Kātahi me Rudy, Isidore, Alphonse me Rose KOHUMOETINI no Ua Pou, u haamau âtou i te pūpū « Kanahau Trio ». U puta mai te pehe uià « Enfant des Îles » i te èhua 1994 ; enā e 15 hīmene kōnini i òto. U haatià âtou ìa hakaìteìa te mou hīmene ta âtou i òto o tēnei tohua niu tavavā.
TO TE HENUA ÈNANA, A TŪ !
To te Henua ènana, a tū
No te hahi me te ape i te Hatu !
O Īa te tumu o nā mea kōtoa.
Na Īa e aahi, na Īa e toko
I te huaa ènana
Atii me te poì hou.
To te Henua ènana, a tū
No te tohe i te hana me te ūo !
Oia te tumu o te pohuè hou,
No te hakahee i te òko o te henua
I vāveka nui ahau o te ao nei.
To te Henua ènana, a tū
No te heke me te hoa tupuna !
Oia te eà (*) no te kave kāìè.
Na âtou e aahi, na âtou e toko
Te pohuè kanahau no nā â kōtoa.
Bruno KOHUMOETINI
(*) Me i òto mai o te èo tahiti te ponaèo "eà" = vaanui.
U haatoitoiìa te patuhei vāàna i te tau aahiìa a te Haè tuhuka èo ènana i te 20/08/2022.